TORNA

Te voglio 'n'ata vota 'int'a 'sti bbraccia.

Chello ca sì nun 'mporta, c'aggi' 'a fà?

Voglio chist'uocchie, voglio chesta faccia

Addò ce ride ogne felicità.

Suonno d' 'a vita mia,

Dimme pe' quala via

T'aggi' 'a venì a 'ncuntrà?

Torna!

'Sta casa aspetta a te.

Torna!

Che smania 'e te vedè!

E torna, torna, torna!

Ca si ce tuorne tu,

Nun ce lassammo cchiù!

Cu ciento desiderie 'e mala freva,

'O specchio t'ha fernuto 'e arruinà.

Quanno partiste 'st'anema chiagneva,

Penzanno addò putive capità.

Dimme chi te trattene?

Dimme quà sò 'e ccatene

C'aggi' 'a venì a spezzà?

Torna!

'Sta casa aspetta a te.

Torna!

Che smania 'e te vedè!

E torna, torna, torna!

Ca si ce tuorne tu,

Nun ce lassammo cchiù!