QUANNO TRAMONTA O SOLE
Viene addu me! Cuntentame 'stu core
C' 'a tantu tiempo penza, aspetta e spera!
Levame 'a pietto 'sta fattura nera,
Pecché te chiammo cu 'nu vero ammore!
Te veco cu 'na rosa
'Int' 'e capille,
Vicino a me!
Mme pare 'e darte vase
A mille a mille,
Sempe sunnanno 'e te!
Sientelo, oje bella, 'o suono 'e 'sti pparole!
Viene addu me quanno tramonta 'o sole!
Quanno tramonta 'o sole, e tuttecosa,
Jenno pe' s'addurmì dint' 'a nuttata,
Piglia 'o culore 'e 'na viola 'nfosa,
Tanno te penzo, sora e 'nnammurata!
Tanno te sento mia
Tutta felice,
Senza parlà!
Cu ll'uocchie dint'a ll'uocchie
E po' mme dice:
"Quanta felicità!"
Fatte vasà quanno tramonta 'o sole!